Hnahthial Post | July 10, 2025, Hnahthial: Bazar Veng Hnahthial khawtlangin an veng chhunga Pu C Lalthanmawia te chhungkaw chenna In tur an sak sak (Assam Type) chu nimin (9 July) khan an zo fel.
Tun hnai ruah sur nasa avangin Pu C Lalthanmawia te chenna In hi luah ngam lohin a thlang lam a min nasa hle a, khawtlangin an In hi ṭhiah a nih hnuah, Bazar Veng lane thlang lamah an chenna In tur hi Kohhran, VC, YMA, Sporting Club leh MHIP te tangrualin sak sakin, hnatlangin sak a ni a.
In sak a nih theih nan hian Pu Lalramenga Varte leh Pu Laltanpuia s/o Pi Sangkungi te chuan an ram sah thlak sakin, Pu Mawitea In sak puitlin a nih theih nan In sak Committee dinin veng chhûngah vehbur kawn a ni a. Vehbur khawn bakah hian ṭanpuina sum petu eng emawzat awm bawkin, thingzai leh hmanrua chi hrang hrang thawhtute an awm a, ṭanpuina petu leh hmanrua thawntute chungah In sak Committee chuan lawmthu an sawi a ni.
Pu Mawitea In sakna atan a an sum hmuhna pawl anga sum fai petute leh veng chhung atanga donation an hmuh dante hetiangin
1. Veng chhunga Vehbur khawn - 53,130/-
2. Disaster Management- 1,30,000/-
3. Bazar Sporting Club- 3,000/-
4. Tanpuina sum lut mi hrang hrang atanga dawn- 5,470/-
5. BCM Headquarters R&D - 10,000/-
6. Hnatlan ai sum thawh khawm - 4,000/-
7. Heng bakah hian in sakna bungrua lakna Rs 25,000/- vel pek loh an la neia hengte hi Bazar Branch YMA chuan a pek sak vek dawn bawk a ni.
Pu Mawitea in sak puitlin tur hian tha Zanga sawmthum (530) vel sen a ni.
Pu Victor Vanlalhruaia (Victor DA Scavenger Ralte) chuan Ni9.7.2025 (Nilaini) Zana Charity Street Music Play a neih atanga a sum hmuh Rs 6750/- chu Pu Mawitea in sak tanpui nan a hlan bawk a.
Tags
News