Larsap leh DDK Aizawl Director (News) chuan Prasar Bharati chungchanga thil pawimawh hrang hrang an sawi dun

Hnahthial Post | July 3, 2025, Aizawl: Larsap General Vijay Kumar Singh leh DDK, Aizawl Director (News) Nampibou Marinmai chuan Prasar Bharati chungchanga thil pawimawh hrang hrang an sawidun.

Larsap General VK Singh hian vawiin hian a pisaah DDK, Aizawl Director (News) leh Indian Institute of Mass Communication (IIMC) North East Regional Campus, Aizawl Regional Director Prof. Shashwati Goswami-te chu leng turin a sawm a, Larsap chuan DD News chuan Aizawl khawpui hmun lailiah pisa an neih a tul thu leh a rang thei ang bera hma la turin Prasar Bharati chu a duh tih a sawi a, sorkar scheme leh hnahthawh puanchhuah kawngah tan lak lehzual a tul thu a sawi bawk. All India Radio (Akashvani) chu miin an ngaihven tawh lo hlea a lan laiin Prime Minister Narendra Modi kaihhruaina hnuaiah Maan Ki Baat leh programme dang hrang hrang hmangin a parvul thar leh thu a sawi.

Larsap Mizoram chuan a ram a nih tawh avangin hmasawnna kawng hrang hrangin nei se a duh thu sawiin, district hrang hrangah pawh thu thar thehdarhna kawngah hmasawnna awm se a duh tih a sawi bawk a ni. IIMC Aizawl hmasawnna tura thil pawimawh hrang hrang an sawi bawkin mite hriatah IIMC Aizawl chu tun aia nasa zawka a inpholan a tul thu a sawi a ni.