Hnahthial Post | July 10, 2025, Aizawl: Vawiin ni 10 July, 2025 (Ningani) chhun dar 12 khan Mizoram Scholarship Board-ah meeting neih niin, he hmunah hian pawl aiawhin C.Lalrosanga, Secretary i/c Information chu a tel a ni.
Meeting chuan, Pre leh Post Matric Tribal Scholarship SNA account pangai hmanga pek thin chu PM Vanbandhu Kalyan Yojana hnuaiah rawn dahin SNA SPARSH hmanga release tawh tur anih avangin bank pangai hman a theih tawh dawn lova RBI chauh hman theih a ni tawh dawn a. System thar hian Guwahati RBI-ah MSB-in account hawng tura tih niin, account hi hawn fel a nih hnuah Central Finance lamin an rawn bawhzui tur thu te sawi bawk a ni.
RBI account MSB in a neih hunah PFMS ah map a ni anga tichuan Treasury ah bill theh lutin State in Central Finance atang SNA RBI account ah a lut thei chauh ang.
Mizoram Scholarship Board chuan zirlaite scholarship chungchanga an harsatna hria in, scholarship hi zirlaiten an dawng vat theih nan a rang thei ang bera account pawh hawng tuma hma an lak mek zel thu an sawi bawk a ni. Gauhati ah officer intirin a hmunah ngei an bawhzui turin an in ruahman.