Hnahthial Post | July 7, 2025, Thingsai: Hon’ble Mr Justice Michael Zothankhuma, Judge, Guahati High Court leh Executive Chairman, Mizoram State Legal Services Authority chuan vawiin Dt 07.07.2025 Thawhtanni khan Thingsai leh Bualpui H ah Legal Aid Clinic a hawng a. Pu Vincent Lalrokima, MJS , Member Secretary, Mizoram State Legal Services Authority leh Pi Lalthansiami Hnamte, MJS, Secretary, District Legal Services Authority, Lunglei District chuan an tawiawm a ni. He hunah hian Pu Michael Zothankhuma chuan kalkhawmte hnenah Mizoram State Legal Services nihphung leh dinchhan te sawiin, mipui te tana luangchhuak leh fehchhuak, khawtlang mipuite tan a dan lama hasatna nei te tan a pan theih reng an nih thu a tarlang a. Legal Aid Clinic a hawn taka Para Legal Volunteers te hnenah mipuiten dan lama an harsatna chi hrang hrang, office hmunpui kal kher ngai lova an thlen theih tur thu leh chu’ng an harsatna te chu DLSA office ah awlsam taka PLV ten an thlen theih tawh tur thu a tarlang bawk a ni. Tun dinhmunah hian Mizoram pum pui ah Legal Aid Clinic 69 a awm tawh thu leh PLV 110 an awm thu kalkhawm te hnenah hian a tarlang bawk a ni.
NALSA scheme chi hrang hrang 21 a kalpui mek thu leh chung scheme hmang chuan mi tamtak ten dan lama an harsatna te chinfel pui an nih tawh thu a sawi a. Victim Compensation scheme kaltlanga a pawikhawihna chi hrang hrang tuartu te hnenah compensation pek an nih tawh thu a tarlang bawk.
Tin, hemi ni hian he khaw pahnih te tan Silpauline thahnem tak leh thil dang pawh Village Council kutah Justice Michaela Zothankhuma hian a hlan a. Tin, Thingsai khuaa khuarel chhiatna tawk chhungkaw pathum te hnenah Legal Services to Disaster Victim Scheme hnuaiah chhawmdawlna bungua a sem tir bawk ani. Naktukah Cherhlun leh N. Vanlaiphai, Legal Aid Clinic hi hawng turin Justice Michaela Zothankhuma leh a zuitu te hian an pan leh ang.
Hemi ni vek hian Pi Lalthansiami Hnamte hian Thiltlangah Legal Aid Clinic hawnna a hman pui nghal bawk a ni.
Tags
News