Hnahthial Post | August 20, 2025, Hnahthial: Vawiin atang khan District Commerce & Industries Officer Office (DCIO), Hnahthial chuan Hnahthial District chhunga PM Formalisation of Micro Food Processing Enterprise Scheme (PM FME Scheme) dil duh te, dil sakna hun an office-ah an hawng a, mi engemaw zatin ngaihven in Office-ah hian an kal a, PMFME kalphung an lo hrilhfiah bakah dilna online registration an lo tih sak nghal a ni. Naktuk lamah pawh an chhunzawm leh dawn niin an sawi.
Pu HB. Lalremmawia, DCIO chuan loan puk theih zat a sang leh a hniam lamah bituk a awm lova, za zela sawmthum panga (35%) credit linkage subsidy a awm a, he ta in register tur hian Pan Card, Aadhar, Ration Card leh Bank Passbook front page bakah an hnathawhna hmun tur GPS thlalak pawh a ngai a ti a, Department lamin registration an tihsak te hi chuan loan hi an hmuh ngei theih nan bank lamah hma an lakpui chhunzawm dawn thu a sawi a, bank loan an la thei a, hna an thawk a nih chuan Food Safety and Standards Authority of India (FASSAI) registration leh Udyam Registration pawh an tih leh a ngai dawn niin a sawi bawk.
Tags
News