Hnahthial Post | August 20, 2025, Hnahthial: Vawiin khan KVK, Lunglei District, Hnahthialah sawhthing thar chhuah hnu a dah that dan leh sawngbawl dan tur - "Post Harvest Management & Processing of Ginger" chungchang chu Pi Zonunkimi Ralte, Subject Matter Specialist (Home Science) chuan Future Foods hruaitu kalkhawmte hnenah zirtirna a pe a,Future Foods State Project Manager, Pu F.Lalmuanpuia hovin Hnahthial, Aibawk leh West Phailenga CEO leh resource person te an tel a ni.
Pi Zonunkimi Ralte chuan sawhthing pawimawhna leh hriselna te bakah a hman theihna kawng hrang sawiin a dah that dan turte inhrilhhriatna a nei a. India ramah sawhthing thar chhuah zinga za a sawmhnih panga (25%) zet chu sawngbawl dan leh dahthatna dan mumal neih loh vanga hloh thin a nih thu sawiin a lan dan, a tuina leh hriselna hloh si lova sawngbawl theih tura dah that chu thil pawimawh hmasa ber a nih thu a sawi a ni.
Future Foods-te hi Mission Organic Value Chain Development for North East Region (MOVCD-NER) hnuaia Service Providers niin Hnahthial, Aibawk leh West Phaileng te an huam a ni.
Tags
News