Minister Pi Lalrinpuii'n Delhi-ah Union Minister hrang hrang kawm

Hnahthial Post | October 15, 2025: Nimin October ni 14, 2025 khan Health and Family Welfare Minister Pi Lalrinpuii leh Union Health Minister JP Nadda chu Delhi-ah an inkawm a. He an inkawmna hunah hian Pi Lalrinpuii chuan Mizoram dinhmun hrilhin, ziak leh chhiar thiam tamna ber state leh state ralmuang ber kan ni chungin kan state-in Central Sawrkar zirna in lian - IIT te, IIM te kan neih ve loh thu a hrilh a. India ram State hrang hranga doctor zirna in tha leh damdawi in lian awmna AIIMS tal chu Mizorama din ve ngei turin a ngen a ni.

Central Sawrkar hian kum 2006 atang khan India ram hmun 22 ah AIIMS (All India Institute of Medical Sciences ) thar din turin hma a la tawh a, tunah chuan heng AIIMS 22-te hi an function hlawhtling deuh vek tawh a ni. Chuvangin he AIIMS thar dinna scheme - Pradhan Mantri Swasthya Suraksha Yojana (PMSSY) chu tuaithar a, AIIMS pawh Mizorama din ve ngei turin Pi Lalrinpuii chuan Union Health Minister chu a ngen a ni.

Union Minister JP Nadda chuan Mizoram Health Minister dilna thlen chu tha taka lo dawngsawngin, an lo zirchian tur thu leh AIIMS hawn a nih ngei theihna atan hma a lo lak tur thu a sawi a. Mizoram Governor, General Dr. Vijay Kumar Singh-te nen pawh inthiantha tak an nih thu sawiin, a theih dan dana hmasawnna kawnga thawhho a duh thu a sawi a ni.

Nimin vek khan Social Welfare Department changtu ni bawk, Pi Lalrinpuii chuan chuan Smt. Annpurna Devi, Union Minister, Women & Child Development Department chu a office-ah a hmu bawk a. Women & Child Department hmalakna tur hrang hrangte an sawi dun bakah Women Helpline sum release tlai chungchang pawh lo enzui a tum thu a sawi bawk.

Tar pension kan tih mai changtu Rural Development Department Minister a zinbo lai anih avangin RD Secretary - Shailendra Kumar Singh pawh Pi Lalrinpuii chuan a hmu nghal a. Mizoramah kum upa, tar pension dawng thei, dawng si lo an tam thu hrilhin, Mizoram allotment chu tipung turin a ngen a. Tin, Central Sawrkarin mi pakhat tana tar pension, Widow pension leh Disability pension te a pekna rate hi a beitham em avangin tihpun dan kawng zawnpui turin a ngen nghal bawk a. Pu Shailendra Kumar chuan Minister thu thlente chu tha taka lo dawngsawngin, tar pension allotment tihpun leh a rate tihsan chu Union Cabinet pawmpui ngai thil anih avangin theih tawp chhuah an lo tum tur thu a hrilh a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09