.jpeg)
Hnahthial Post | December 3, 2025, Aizawl: Vawiin khan Mizoram CAMPA Governing Body chu an Chairman Pu Lalduhoma, Chief Minister hovin CM Conference Hall-ah an thukhawm.
Chief Minister chuan, ramngaw siam thar kawngah chak zawka hma kan lak a ngai a. Hnathawhna tur sum kan nei a ni. Kan ram a lo mawi deuh deuh theih nan kan state tree Herhse hi uar thei ila, ramngaw siam thei thlai, kuthnathawktute tana tangkai si, Rubber ang chite pawh uar ang u. Thenzawl chu Peace City atana Master Plan siam mek a ni a, rail kawng kalna tur hi an rawn tichiang thuaiin a rinawm bawk a. Heng thilte hi tih fel a nih hma chu Thenzawlah hma lo lak rih loh ni se, tihchhiat leh mai tur hmalakna kan lo kalpui palh kha a hlauhawm a ni, a ti.
.jpeg)
Meeting report-a a lan danin, kum 1990 atanga kumin thlengin Mizoramah Forest ram 11,768.8909 Hectare a zau chu Non - forest areaah chantir (diverted) a ni tawh a. Heng ramngaw an tihchhiat rulh lehna tur hian hmasawnna hnathawktu (User Agency) ten danin a phut angin PARIVESH portal kaltlangin National CAMPA ah pawisa an chhunglut thin. Ramngaw rulhna tur an chhunluh zaa 90 chu National CAMPA hian hnathawhna state Compensatory Afforestation Fund (Public Account) ah dah luh (tranfer) zel a ni. Tuna Mizoram State Compensatory Afforestation Fund, component hrang hrang belhkhawm awm zat chu Rs. 2,12,15,38,556 a ni.
Vawiina meetingah hian chak zawka fund hman chhuah dan tur an sawi hova, Annual Plan of Operations 2024 - 25 hnathawhte leh Annual Plan of Operation 2025-26 hnathawk mekte an en a, CAMPA Work endik hna 3rd party monitoring and evaluation, Save Environment Association of Mizoram (SENVA) te report an ngaithla bawk. SENVA hian CAMPA APO 2020-21 leh 2021- 22 hnathawh chu 'very good' grade (7.5/10) a pe a ni.
.jpeg)
Meeting hmasaa an lo rel tawh CAMPA fund viltu tur Finance Officer dah chu chak taka bawhzui mek a ni a. Department dangte nena Project inthuah kalpui a nih loh nan CAMPA project te chu Planning Department hriattir zel tur a ni a, Project lian leh pawimawh bik chu Governing Body Chairman hova en zel tur a ni.
Meeting-ah hian Pu Lalthansanga, Minister, EF&CC, Pu Khilli Ram Meena, Chief Secretary leh member te an tel a ni.
.jpeg)
.jpeg)
.jpeg)
.jpeg)
.jpeg)
.jpeg)
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News