FCS&CA Minister-in 'Consumer te zin kawng' lehkhabu tlangzarh

Hnahthial Post | December 4, 2025, Aizawl: Pu B. Lalchhhanzova, Minister, Food, Civil Supplies & Consumer Affairs Department chuan vawiin khan Aizawl Press Club-ah Pu Lallunghnema lehkhabu ziah, ‘Consumer-te Zin Kawng’ tih chu a tlangzarh.

Minister Pu B. Lalchhanzova chuan lehkhabu ziaktu Pu Lallunghnema inpekna leh hnathawhte chu ropui a tih thu sawiin, consumer-te dikna chanvo humhalhna kawnga tanrual a tulzia a sawi bawk a. Consumer-te hamthatna tura sawrkar hmalakna chi hrang hrang a tarlang a ni.

Minister chuan ‘Consumer-te Zin Kawng’ lehkhabu chu mipuiin an hlut a tulzia leh consumer rights chungchanga hriatna zau zawk petu a nih a beisei thu a sawi bawk a. Mipui chanpual pekchhuahna kawnga mipui, sawrkar leh NGO-te thawhhona tha neih a tulzia a sawi bawk a ni.

Tlangzarhna hun hi Pu Lalsangpuia, Vice Chairman, Centre for Consumer Education chuan kaihruaiin, Dr. K. Lalnghinglova, Treasurer, Centre for Consumer Education-in lehkhabu thlir lawkna hun a hmang a. Pu C. Rohnuna, Secretary, Centre for Consumer Education-in kawlkhawmte hnenah lawmthu a sawi bawk a ni.