Lalnghinglova Hmar-in a bial chhunga zirlai ti thate lawmpuina hlan

Hnahthial Post | December 2, 2025, Aizawl: Vawiin chawhnu khan Pu Lalnghinglova Hmar, Minister of State, Sports & Youth Services, Tourism, etc. leh Aizawl West II Constituency bialtu MLA ni bawk chuan a bial chhunga zirlai ti thate lawmpuina hun MINECO-a a office-ah a hmanpui.

Minister Pu Lalnghinglova hian a bial chhunga zirlai tithate lawmpuina hun a buatsaih tum thumna a ni a, tun tumah hian result chhuak tlai zirlai mi paruk hnenah lawmpuina hi a hlan.

"He programme kan siam thin chhan hi in hlawhtlinna kan lawmpui che u piah lamah, kan bial chhunga naupang zawkten zirlai a hlawhtlinna sang neite hmelhriat se, entawn se kan duh vang a ni." tiin a sawi.

"Tun hnaiah kan bial chhungah zirlai titha chawimawi tur kan nei chho zut mai a, a lawmawm ka ti tak zet. Zirlai titha lawmpui hi thildanga hlawhtlinna inlawmpui ang erawh a ni lo deuh a, hmalam pana ke pen lehna tur a awm zel avangin tun hi chu a aia sang zawk thleng tura in beihna tur chauh a ni." a ti a.

"Tuna in zirlaia intihthatah hian duhtak mai lovin eizawnna leh hlawhtlinna lian zawk in neih ngeina turin hmalam in pan zel tur a ni." tiin Minister chuan a fuih bawk.

Vawiin a zirlai tithate hi lawmpuina thu ziak leh Rs 10000 ṭheuh a hlan a; lawmpuina hlante chu:

1. Lalnunkima s/o Zoramchhana, Tuikual North - NIELIT Aizawl, MCA Topper.

2. ⁠Lalmuansanga s/o Rengthanga Colney, Kanan - MZU, 1st in B. Tech (Civil)

3. ⁠Malsawmdawngliani d/o Jenny Lalthansangi, Vaivakawn Zohnuai - MZU, 3rd Position in MBA (Hospitality and Management)

4. ⁠Sanglianmawii Pachuau d/o PC. Ruatmawia, Dawrpui Vengthar - MZU, 4th Position in MBA (Hospitality and Management)

5. ⁠Lalnuntluangi d/o PC Lalnipuii, Dinthar - MZU, 6th rank in M.Sc (Physics), MZU

6. ⁠Lalbiaknungi d/o Lalchhuanmawia, Dawrpui Vengthar - MZU, 8th Position in MBA.

Zirlai tithate lawmpuina hun hi zirlai chhungte bakah khawtlang hruaituten an telpui a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Post Instagram:

https://www.instagram.com/hnahthial_post?igsh=YmgwczBkaHYyNg==

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09