Hnahthial Post | January 9, 2026, Aizawl: Vawiin khan Minister Pu F Rodingliana hovin Commerce & Industries Department, Land Revenue & Settlement Department, PWD leh P&E Department hotuten Export Promotion & Industrial Park (EPIP), Lengte chu tlawhin, industrial area tih chanttlunna tura hmalakna kal mekte an en dik a. Khawl hmanga a hmunhma zirchianna, Geographic Information System (GIS) mapping leh a ramri tehfel (re-plotting) hna kalpui zawh tak zulzuia Industry hrang hrang rem (Allocation) dan tur ruahmanna siamte an enho nghal a ni.
EPIP Lengte hi industry dinna turin kum 2003 khan ruahmanna siam a lo ni tawh a. Industrial Park siamna tur hian mimal ram 155 lak (acquire) a ni a, he hmun zau zawng hi bigha 1390.22 a ni. Vawiina Minister Pu F.Rodingliana hova EPIP Lengte endikna hun a tarlan danin industry dinna tura ram lak fel tawh chhungah mi thenkhatte chuan hmun engemaw zah an la enkawl zui a. Mizoram chhunga Industry tih hmasawn nana ruahmanna awmte sawt zawka kalpui a nih theih nan dan lova ram la enkawl zui luite Pass chu rang taka cancel a tul thu an sawi ho.
EPIP Lengte chhunga ruahmanna mumal leh felfai kalpui a nih theih nan Industry-te thil siamchhuah azirin a hlawma an awm zel theih nan, PWD Chief Architech enpuina hnuaiah GIS mapping leh re-plotting hna zawh fel tawh pawh C&I Minister ho hian a taka kalpui dan tur an enho nghal bawk a ni.
 |
| Advertisement |
Minister hian 132 kV Sihhmui Sub-Station atanga EPIP Lengte chhunga industrial unit-te, a bik taka power supply pekna tur (dedicated line) chu en nghalin, EPIP Lengte chhunga kawlphetha thlun dan(power distribution line) mumal taka siam leh a tih changtlun zelna tura hmun awl zuah a pawimawh thu a sawi.
Minister Pu F Rodingliana hi Director C&I, Chief Engineer P&E, Chief Architech PWD leh Joint Secretary, Land Revenue & Settlement Department bakah officer dangten an tawiawm a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News