Hnahthial Post | January 9, 2026, Hnahthial: Vawiin khan Hnahthial DC Meeting Hall-ah Bawrhsap, Pi K.Vanlalruati kaihhruaiin Hnahthial District chhunga sawrkar pisa hotute leh khawtlang hruaitute chuan Republic Day, 2026 hman dan tur relin an thukhawm a. Kumin Republic Day hi HDSC/HDFA Turf Ground-ah neih ni se ti a rel niin parade contingent pakua (9) awm tura beisei an ni.
Bawrhsap chuan kalkhawmte chu kumthar chibai bukin mipui rawngbawl kawngah theihtawp chhuahpui leh turin a sawm a. Kum hmasa lama Republic Day lo hman tawh dan te thlir letin kumin a hman dan tur chu rel ho a ni a. Bawrhsap chuan office hrang hrangte chu an hmachhawp theuh tha taka hlen tura chahin India ram ni pawimawh tak mai - Republic Day chu mipui tam thei ang berin rawn chhim se a duh thu a sawi bawk.
2026 Republic Day hi kum tina lo tih thin tawh angin January ni 26 hian neih tura ruahmanna siam a ni a. HDSC/HDFA Turf Groun-ah neih tur a ruahman niin zing dar 10 ah tan a ni ang a. Parade Contingent pakua(9) awm thei tura beisei niin school Contingent pasarih (7), NCC leh Pipe band te beisei an ni.
 |
| Advertisement |
Parade Contingent-te tana lawmman semna hun neih nghal tur niin Sangha man khapna kawnga hma la thate hnenah lawmman sem a ni ang a. Republic Day pual hian Volleyball leh Hockey tournament a awm bawk ang.
Function zawha neih thin, At-Home chu buatsaih loh ni se ti a rel a ni bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News