Hnahthial Post | January 12, 2026, Lunglei: Vawiin ni 12 January, 2026 (Thawhṭanni) kha Mizo Zirlai Pawl Hqrs.:Lunglei chuan ATL kawng siam mek (Pukpui-Mausen) enfiahna an nei a. He hunah hian MZP hruaitute leh SLT hotute’n inbiakna an nei a ni.
Tun a kawng siam mek Pukpui leh Mausen inkar hi April thla chhung a thawh zawh tur a ruahman anih thu SLT hotute hian an sawi a. MZP hruaitute zawhna chhangin SLT hotute chuan lung an lakna chu Haulawng aṭang ni lovin Zawngekkham quarry aṭanga an lak thu an sawi a. Kawng an tih khawhna nawi pawh a hnawhna atana hmang lovin Mausen-a an camp bulah Dumping ground mumal tak siamin an paih thu an sawi bawk a ni.
MZP Hqrs.:Lunglei chuan tun hnaia ATL kawng siamtute hmanrua khawih chhiat sak an ni chu pawi a tiin hetiang hi thleng nawn tawh lo se a ti a. A ṭha thei ang ber a kawng hi siam anih theih nan mipuite dawhthei tak leh a kawng siamtute zai ngai tak a thawhpui turin MZP Hqrs.:Lunglei chuan a ngen a, kawng siam hi MZP Hqrs.:Lunglei chuan a vil zel dawn a ni.
