Mizoram Larsap-in Pradhan Mantri Rastriya Bal Puraskar dawngtu Esther Hnamte lawmpuina a hlan

Hnahthial Post | January 8, 2025, Aizawl: India rama naupang chawimawina sang ber Pradhan Mantri Rastriya Bal Puraskar 2025 dawngtu Esther Lalduhawmi Hnamte chu vawiin chawhnu khan Larsap General (Dr) Vijay Kumar Singh, PVSM, AVSM, YSM (Retd) chuan Lok Bhavan, Aizawlah lawmpuina thilpek a hlan.

Larsap General (Dr) Vijay Kumar Singh chuan Pradhan Mantri Rastriya Bal Puraskar 2025 dawngtu Esther Hnamte chu thinlung taka a lawmpui thu sawiin, a hlawhtlinna hi Mizoram mai bakah India ram pum tana chhuanawm tak a ni, a ti a. Hmasawn zel tuma training tha tak nei zel turin a fuih a. Thalaite tana entawntlak ni zel tura chahin a kalzelna turah duhsakna a hlan a ni.

Pradhan Mantri Rashtriya Bal Puraskar hi Ministry of Women & Child Development kaltlangin category hrang hrang 7 - Bravery, Art & Culture, Environment, Innovation, Social Service, Science & Technology leh Sports lama naupang chawimawi phu kum 5-18 te hnena hlan thin a ni a. Nikum khan India ram State leh UT 18 atanga naupang 20 thlan chhuahte hnenah he chawimawina hi hlan a ni a. Esther Hnamte hian Art & Culture category hnuaiah Pradhan Mantri Rastriya Bal Puraskar chu President Droupadi Murmu kut atangin December ni 26, 2025 khan Vigyan Bhawan, New Delhi-ah a dawng a ni.