Mizoram State Project Monitoring Committee ten Working Women Hostel ITI Veng leh Khatla Venga mi endik

Hnahthial Post | January 21, 2025, Aizawl: Vawiin khan Mizoram State Project Monitoring Committee (MSPMC) Member te leh Task Force ten ‘Working Women Hostel, ITI Veng leh Khatla Veng’ a sak mek chu a vawi hnih (2) nan an endik.

MSPMC Team te chuan heng building sak mek te hi a hmunah tlawhin chipchiar takin an endik a. MSPMC Team te chuan an hnathawh tawh sa hi a tlangpuiin a tha an ti a, concrete chak zawng pawh ‘Rebound Hammer’ hmanga test niin, a nih tur ang pawh a tling vekin an hmu. Zawh hun tur bituk huna zawh a nih ngei theih nan contractor te pawh ruahmanna fel fai tak siam turin an hrilh.

‘Working Women Hostel, ITI Veng’ hi SASCI sum hmangin Rs. 18.18 Crore senga sak a ni a, contractor chu Fanhau Agency niin, a enkawltu department chu Mizoram PWD te an ni. Nodal department chu Women & Child Development Department te an ni bawk. 9th May, 2026 a zawh tura ruahman a ni. Tunah hian a hna pumpui atangin 15% zawh tawh a ni.

‘Working Women Hostel, Khatla Veng’ hi SASCI sum hmangin Rs. 29.72 Crore senga siam a ni a, contractor chu Sky Builders niin, a enkawltu department chu Mizoram PWD te an ni. Nodal department chu Women & Child Development Department te an ni bawk. 9th May, 2026 a zawh tura ruahman a ni. Tunah hian a hna pumpui atangin 15% zawh tawh a ni.