Hnahthial Post | January 13, 2026, Aizawl: Mizo Zirlai Pawl (MZP) leh Zo Re-Unification Organisation (ZORO) chuan, India Sorkar-in Zofate inkara daidanna bang (Indo-Myanmar Border Fencing) siam a tum duh loh lantirna chu January ni 16, 2026 (Zirtawpni) chawhma dar 11:00 hian Vanapa Hall kawtah a nei dawn.
Indo-Myanmar Border Fencing siam chu kan ram leh hnam tan a him loh bakah, Unau thisen a inzawm thenhran tumna a nih avangin, MZP leh ZORO chuan Sawrkar laipuiah pawh ramri hung lo turin a lo thlen tawh a ni.
MZP leh ZORO hmalakna hian awmzia a neilo a nih chuan a tawp thlengin India Sawkar hmalakna hi MZP leh ZORO chuan a dodal zel dawn a ni.
Kan ram kan hnam tana tha tura MZP leh ZORO hmalakna hi mipuiin thlawp tlat tur leh ni 16 January, 2026 (Zirtawpni) chawhma dar 11:00 a Vanapa Hall kawta Border Fencing duh lohna lantirna hunah pawh lo tel vek turin MZP leh ZORO chuan mipuite a sawm a ni.