Hnahthial Post | March 10, 2026, Hnahthial: Vawiin khan Hnahthial Bazar tual zawlah Chapchar Kut 2026 denchhenin Kut Bazar chu Hnahthial Bawrhsap, Pi K. Vanlalruati'n a hawng a. Hnahthial mipuite ban phak a Zo thuam lei theihna leh Food Processing lama eizawngte tan inpho chhuahna remchang tak ni a a hmuh thu sawiin kum dangah pawh tih chhunzawm zel tlak ni a a hmuh thu a sawi. He hawnna hun hi Hnahthial District Commerce & Industries Officer (DCIO), Pu HB Lalremmawia chuan a kaihruai a ni.
.jpeg)
Bawrhsap chuan kum danga kan la neih ngai loh, Chapchar Kut khuhhawnna, District Capital hmun laili, Bazar tual zawlah Kut bazar buatsaih a ni thei chu lawmawm a tih thu sawiin a buatsaihtu, Commerce & Industries Department a thawkte leh a thawhpuite thawrimna zar a nih thu a sawi a. Kan Zo thuam hmuh theihna awlsam leh Food Processing lama eizawngte tan a mipui lei tura thil chhawpchhuahna hun remchang siam a ni chu ropui a tih thu sawiin Hnahthial mipuite chu Chapchar Kut, Pasaltha muala neih turah tel vek turin a sawm nghal a ni.
.jpeg)
Kut Bazar hi vawiin March ni 10 atang March ni 12 thleng hawn tur niin Stall chi hrang hrang sawmpathum (13) - Handloom, Food Processing, AH&Vety, Florist Association leh CM Special Package te pualin hawn a ni a. Stall thenkhat hi Chapchar Kut lawmna hmu, Pasatha Mualah, Kut lawm ni hian hawn a ni bawk ang.
Hawnna programme-ah hian Hnahthial District chhunga Pisa hotu thenkhat an tel a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News