Saitualah harsatna tawk hmeichhiate a thlawna thubuai remsak

Hnahthial Post | March 10, 2026, Saitual: Vawiin khan International Women’s Day 2026 denchhenin DHEW Office, Multi-Purpose Shopping Complex, Saitualah hmeichhe harsatna tawkte a thlawnna thubuai remsakna hun- ‘Mahila Jan Sunwai’ (Free Legal Public Hearing’ neih a ni.

He hunah hi Pi Laltanpuii, Member, Mizoram State Commission for Women chuan inlawmna thu a sawi a, Mizoram State Commission for Women tobul te leh an hnathawh hrang hrang te bakah thubuai an chinfel dan te a tarlang a ni.

Vawiin Free Legal Public Hearing-ah hian hmeichhia te chuan heng thubuai- thuamchhawm chungchang, inchhungkhura hleilenna (domestic violence), hnathawhna hmuna innghaisakna (harassment at workplace), sawrkar scheme hrang hranga an dikna chanvo hmuh loh, office hrang hranga ngaihsakna an dawn loh, fa enkawltu tur chungchang, leiba inrul duh lo, nupa inthen chungchanga harsatna hrang hrang leh harsatna dang engpawh nei te chuan an buaina te an thlen a, an thubuai te chinfelsak kawngah hma laksak an ni.

Vawiinah hian hmeichhe harsatna tawk te thubuai remsak turin Pi Laltanpuii, Member, Mizoram State Commission for Women, Pu Srinivas Sadi, DC, Pu Hmingthansanga, SDPO, District Nodal Officer for Mahila Jan Sunwai, Pi Mary Malsawmkimi-Protection Officer, WCD Liaison Officer for Mahila Jan Sunwai, Pi R. K Lalrinsangi, Advocate, Pi J.H. Lalbiaknungi, Advocate te an te thu a ni.