Lok Sabha MP hovin Hnahthial District chhunga sawrkar laipui Scheme kalpui dan thlir letna neih a ni

Hnahthial Post | May 15, 2026, Hnahthial: Vawiin khan District Rural Development Office (DRDO) Conference Hall, Hnahthialah Lok Sabha MP, Pu Richard Vanlalhmangaiha kaihhruaiin South Tuipui bialtu MLA, Pu Jeje Lalpekhlua nen Development Coordination and Monitoring Committee (DISHA) neih a ni a. Hnahthial District chhunga Head of Office hrang hrangte chuan Meeting-ah hian FY kum 2025-26 chhunga an hmalakna te report-in an hmachhawp pawimawh zualte an tarlang a ni.

Lok Sabha MP, Pu Richard Vanlalhmangaiha chuan DISHA member leh sawm bikte chu he hun ngaipawimawha an rawn kalkhawm avangin an chungah lawmthu a sawi a. DISHA meeting hi District chhunga hmalaknate thlir letna a nih mai piah lamah District kal zel dan tur thlir hona pawimawh tak a nih avangin District tan chuan meeting pawimawh berte zinga mi a nih thu sawiin mipuite tana tha tur anga ngaih chu infinchhuah hreh lo turin kalkhawmte chu a chah nghal a ni.

South Tuipui bialtu MLA, Pu Jeje Lalpekhlua chuan MP chungah lawmthu sawiin District hrang hrang ngaipawimawh a, District hmalaknate hre chiang tura a hmunah ngeiah a rawn tlawh thin chu fakawm a tih thu a sawi a. Hnahthial chu India rampum huap pawh a District hmasawn ber pawl an nih thu tarlangin faina lamah erawh tan an lak lehzual a tul thu a sawi.

Meeting-ah hian Hnahthial District-a Department hrang hrang-ten kum 2025-26 chhunga Central Scheme hnuaia an hmalakna leh harsatna langsar zualte chu a hnuaia mi ang hian an tarlang:-

Agriculture & Farmers' Welfare Department: Central scheme hrang hrang 11 hnuaiah hma lak mek a nih thu tarlan niin training pawh buatsaih nual a nih tawh thu tarlan a ni a. Bana Kaih Scheme hnuaiah May ni 14, 2026 thleng khan sawhthing quintal 6622.97 tan support price ₹1,74,84,367 chu pek chhuah a nih tawh thu leh support price ₹ 1,20,93,060 (quintal 3884.83) chu la pek chhuah tur a awm thu tarlan a ni bawk.

Animal husbandry & Veterinary Department: Central Scheme Pathum – RGM, LH&DCP leh NLM hnuaia hmalakna te thlir ho niin May ni 8, 2026 thleng khan ran 220 insured tawh a nih thu tarlan a ni.

Fisheries Department: PMMSY kalpui tawh dan te tarlan niin Sangha dil siamna tur a tam loh avangin lui dungah leh Sport Fisheries lamah rilru sen nasat zawk dan awm thei se ti a rawtna siam a ni.

Food Civil Supply & Consumer Affairs Department: Hnahthial District-ah Gas Agency pahnih – Fidelia leh CL Indane te an awm thu tarlan niin PMUY hnuaih beneficiaries 2,203 an awm thu tarlan a ni a. NFSA hnuaiah April ni 31, 2026 thleng khan AAY(Card eng) card 779 awmin PHH (card pawl) card 3865 a awm thu tarlan a ni bawk.

Health & Family Welfare Department: April 2025 thleng khan District chhungah mi 31,045 awm anga chhinchhiahin sub centre panga an awm mek thu tarlan a ni.

Horticulture Department: MIDH hnuaia an hmalak tawhna leh NABARD hnuaia an hnawthawh thlen chin tawh te tarlan a ni.

Krishi Vigyan Kendra: KVK lam hian an hmalakna te tarlan mai piah lamah Lunglei leh Hnahthial District-in KVK hran an mawmawhna te an tarlang a. KVK ram fencing that pawimawh thu tarlan a ni bawk.

Lead District Manager: PMMY, PMJDY, Social Security Schemes, PMEGP, KCC, Handholding, PM Visahwakarma leh NRLM hnuaia loan leh enrolment neih dan te tarlan a ni.

NHIDCL: Hnahthial Bypass road, 6.99 km a sei chu zawh fel thawkhat a nih tawh thu tarlangin MP chuan National Highway hmun hnih, Thiltlang leh Pangzawl kawng chhe zual lai te chu ngaihven vat turin a hrilh a ni.

P&E Department: RDSS hnuaia an hmalakna te tarlangin hnathawktu leh hmanraw indaih lohna avanga power supply duh anga an pek theih loh thin thu tarlan a ni.

PHED: JJM, SBM(G) leh AMRUT 2.0 hnuaia an hmalak tawhna te thlir ho a ni.

RD&A Department: July ni 1 atanga VB-G RAM G kalpui tan a nih tur thu tarlangin MGNREGA, MzSRLM, BADP, PMKSY leh PMAY-G hnuaia an tarlang a ni.

School Education Department: PM POSHAN leh Samagra Shiksha hnuaia an hmalakna te tarlangin Food Safety & Poisoning training chu an hmachhawp hnaivai a nih thu tarlan a ni.

Social Welfare Department: NSAP hnuaiah 2025-2026 4th Quarter chhung khan cheng nuai 46 release a nih tawh thu tarlan a ni.

UD&PA : Rotlang ‘E’ ah Rs. 1,97,51,160 estimate hmanga Solid Waste Management Centre sak hna thawh mek a nih thu tarlan niin SASCI hnuaiah storm drain siam hna thawh mek a nih thu tarlan a ni a. Hei bakah hian khawpui tihfai leh cheimawi hna hrang hrang thawh mek a nih thu tarlan niin Green Space/Park siam tuma ruahmanna siam a nih thu tarlan a ni bawk.

WCD: ICDS Project, DHEW leh One Stop Centre hnuaia hmalaknate tarlan niin tun dinhmuna an harsatna ber chu Anganwadi Centre 20 a tui connection lut lo chu a nih thu tarlan a ni.

Thutkhawmnaah hian Bawrhsap, Pi K.Vanlaruati bakah DISHA member emaw an aiawh emaw te chu telin khawtlang hruaitu thenkhat an tel bawk.