Lunglei DC-in Ṭawipui South lei min chungchangah hriattirna ti chhuak

Hnahthial Post | July 15, 2026, Lunglei: Vawiin khan Lunglei District Additional Deputy Commissioner Pi Zoramdini chuan a hnuaia mi ang hian khualzinte hriattirna a chhuah.

Dt. 14.07.2026 (Thawhlehni) zing lama Ṭawipui South (NH-54) lei min chuan kawng a hnawh ping vek a. Lei min hi then fai hna thawh theih a nih hmain lung lian tla mai thei awmte uluk taka hal thlak/tihkeh hna thawh hmasak a ṭul a. Hemi avang hian kawng then fai hna hi thawh mai theih a la ni lo va. Chu vangin, khualzin chhim lam (Lawngtlai/Siaha)-a ṭulna avanga kal ngaite, Ṭawipui South lei min avanga harsatna kan tawh loh nan Sangau kawng lam zawh rih turin kan inhriattir e.