Hnahthial Post | 11th May, 2025: Vawiin (11.5.2025) chawhnu dar 2 vel khan Johan Malsawmdawngkima (35) s/o Lalkhuma, Hnahthial, tuna Zemabawka cheng mek chu Hnahthial District chhung Rotlang East leh Saibu inkarah a truck khalhin a chesual a, a hliam tuar loin a thi.
Thudawnnain a tarlan danin, Johan Malsawmdawngkima hi Saibuah balu a phur a, a haw lam chu kawng sirah truck hi a let a, truck hian a delh nia hriat a ni. Chetsual thu hriat a nih veleh a bul vel khaw mite'n an buaipui nghal a, a nunna erawh chhan theih a ni tawh lo.
Johan Malsawmdawngkima ruang hi Hnahthial Chanmari Venga u Malsawmtluanga Inah lak a ni a, zanin lu men tur niin, naktukah Hnahthial South thlanmualah vui liam a ni ang.
Tags
News