Minister Lalnghinglova Hmar-in a bial chhung Sawrkar School Pathumah cheng nuai thum pe

Hnahthial Post | December 3, 2025, Aizawl: Nimin chawhnu khan Pu Lalnghinglvoa Hmar, Minister of State, Sports & Youth Services Department etc. leh Aizawl West II Assembly Constituency bialtu MLA ni bawk chuan a bial chhunga zirna in pathum - MICE, Tuikual North; Gairigaon Primary School, Dinthar leh Govt. Middle School - II, Dinthar - te hnenah tanpuina sumfai cheng nuai thum a hlan.

Pu Lalnghinglova Hmar hian November ni 4 khan a bial chhunga sawrkar school parukte hnenah study tour neihna tur Rs. 3,49,940/- a lo pe tawh bawk a, November leh December thla chhungin school hrang hrang hrang puihna’n Rs. 6,49,940/- a hlan tawh a ni.

Nimina hemi pual hun buatsaihah Minister Pu Lalnghinglova chuan thu sawiin, “Sawrkar sikulte hi mipui dinhmun hrang hrang huapzo an ni a, dinhmun harsa zawka awmte tan pawh kal theihna a ni thin. Chuvangin hmalam pana kan kal zelna turah engtinnge zirlai tam zawk kan neih theih ang tih ngaihtuah a ngai a, hmunhma leh bungruaah pawh hma an sawn zelna tura tan lak a ngai a ni." a ti a.

Minister chuan sawibelh zelin, "Sawrkar sikulte hi a zirtirtute ah chuan trained teacher leh qualified teacher zawk awmna a ni a, zirlai tam zawk an luh theihna tura hma lak a pawimawh a ni. Tunhnaiah pawh kan bial chhunga sikul thenkhatte chuan an zirtirtute inpekna avangin state dangah an zirlaite an zinchhuahpui thei a. Sikul danga an tih theih loh kha sawrkar sikul in an ti thei a, an zirtirtute inpekna vang liau liau a ni." tiin a sawi bawk.

MICE leh Dinthar Govt. M/S-II te hi study tour an neih tura zirtirtute thawhkhawm doletna niin, Gairigaon P/S hi school thutthleng leh dawhkan siamthatna tur a ni.

Nimin programme-ah hian school hrang hrang aiawhte bakah khawtlang hruaitute an tel a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Post Instagram:

https://www.instagram.com/hnahthial_post?igsh=YmgwczBkaHYyNg==

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09