Hnahthial Post | May, 13, 2026, Aizawl: MZP General Headquarters chuan Pi R. Lalrodingi, Additional Director, Commerce & Industries, Mizoram sawrkar hnuaia hnathawk pension tawh rawih nawn (re-employment) a nih chungchangah Mizoram Sawrkar thuneitute chu ni 14 May, 2026 (Ningani) hma ngeia pension rawih nawnna order cancel turin alo ngen tawh a.
Hemi chungchangah hian May ni 8 khan Pu PC Vanlalruata, Minister chu sawipuiin May ni 12 khan Pu Lalnghinglova Hmar, Minister chu sawipui alo ni tawh bawk. Hemi chungchangah vek hian vawiin ni 13 May, 2026 (Nilaini) tlai dar 4:30 khan MZP Elected OB leh Adviser tenen Chief Minister-in lenga MZP-te a sawm angin CM hova sawi leh a ni a. CM-in Pi R Lalrodingi chungchang chu ziaka ennawn a remtih angin, MZP General Headquarters Emergency meeting ni 13 May, 2026 (Nilaini) zan dar 7:00-a neih chuan Sawrkar thuchhuak ngaihchan rih nise tiin a rel.
MZP General Headquarters Executive Meeting May Ni 7, 2026 (Ningani)-a thukhawmin May ni 14, 2026 (Ningani) ral hma ngeia Pension rawih nawnna order sut tura Mizoram Sawrkar thuneitute alo ngen tawh na chu, CM-in ennawn a remtih angin Sawrkar hmalakna ngaihchan rih phawt nise tiin a rel bawk.
